السلام عليكم ,,,
ضروري الجمهور يفتح صفحة جديدة مع ناديه ومع اللاعبين ومع الإدارة ...... اللي فات مات ياجماعة الخير وهذا مدرب جديد ونفس جديد في الفريق وأنا متفائل جدا في هذا المدرب للأسباب التالية :
1- هذا المدرب يهتم جدا بالجانب اللياقي لأي فريق يدربه وقد طلب من الجهاز الطبي في الفريق إعداد تقرير شامل عن مستويات اللاعبين اللياقية وإعداد جدول مكثف للتمارين اللياقية والإتحاد كلنا عارفين إن من أكبر المصايب فيه هو الإنخفاض الغير طبيعي للمستوى اللياقي في كل مباراة نلعبها.
2- هذا المدرب معروف عنه إعطاء الفرصة للاعبين الشباب وشوفوا لنا كم سنة مافرحنا بلاعب كويس من طينة المولد وفتاح ! طبعا الموسم الماضي جانا بيليتش وطلع لنا سعود عبدالحميد اللي هو الآن من أبرز اللاعبين في الدوري. الإتحاد نادي مليء بالمواهب الشابة ولكن دائما ما تموت أو تختفي بسبب عدم الإهتمام وإعطاء الفرص للاعبين
3- هذا المدرب صاحب شخصية قوية جدا جدا ... كلنا نعلم الإنفلات الأمني اللي صاير فالفريق وظهر على السطح بخلافات على الشاشة وفي مباريات رسمية كان دور البطولة في أغلبها لفواز القرني ... بريوفيتش قاعد يسحب رجولة ويوم يلعب ويوم مايبغى يلعب داكوستا نفس الشيء وغيرهم كثير .... الفريق فيه إنفلات ويحتاج لمدرب يقدر يضبط الفريق وإلا قول علينا السلام .. وتين كات معروف عنه قوة الشخصية وهذا الشيء راح يبان على تصرفات اللاعبين داخل وخارج أرضية الملعب ..
......
الحمد لله أنتهينا من ثنائيات (بيليتش/سييرا) الى الأبد والله لا يعيدها علينا ...خلينا كلنا نوقف ورا الفريق وندعم اللاعبين والإدارة والمدرب وبحول الله عز وجل راح نشوف تغيير يبيض الوجه ..
رسالة أخيرة إلى كل (الإتهلاليين) اللي ظهروا علينا من كل مكان ميييين أنتم؟ وهل نسيتم ماعمل الهلال في الإتحاد خلال سنوات التنافس ؟ الهلال والنصر كلاهما فريق قافز على الأنظمة والقوانين متى ما وجدوا الفرصة المناسبة كما كان الأهلي قبلهم أيام الملك فيصل !!
ما أخس من قديد إلا عسفان ..
ثقوا تماما متى مارجع الإتحاد للمنافسة على الدوري بشكل مباشر سيغير الهلال قناع الصداقة الحالي بالوجه الحقيقي القبيح للمؤامرات والدسائس اللي أشتهر فيها نادي الدلال .. __DEFINE_LIKE_SHARE__
.jpg)
Digg
del.icio.us
StumbleUpon
Google
العرض العادي
